ఘనంగా శ్రీ వెంకటేశ్వర స్వామి వారి ప్రథమ వార్షికోత్సవ బ్రహ్మోత్సవాలు
స్టూడియో 10 టీవీ న్యూస్, ఏప్రిల్ 05, మహానంది:
మహానంది మండలం గాజులపల్లె గ్రామంలో కొలువైన శ్రీదేవి, భూదేవి సమేత శ్రీ వెంకటేశ్వర స్వామి వారి ప్రధమ వార్షికోత్సవ బ్రహ్మోత్సవాలు ఘనంగా జరుగుతున్నాయి. బుధవారం ఆలయ కమిటీ సభ్యులు, శ్రీ సేవా సమితి సభ్యుల ఆధ్వర్యంలో ప్రధాన ఆలయ అర్చకులు రంగాచార్యులు, భాను ప్రసాద్ చార్యులు, ప్రధమ వార్షిక బ్రహ్మోత్సవాలు సందర్భంగా ఉదయం నుంచి స్వామి అమ్మవార్లరకి సుప్రభాత సేవ,ఆరాధన ఆరాగింపు,మంగళ శాసనములు, పుణ్యాహవచనం, రక్షాబంధనం, ఋద్వీకరణం, అంకురారోహణం, విష్ణు సహస్రనామ స్తోత్ర పారాయణము, దివ్య ప్రబంధ పారాయణం ,అగ్ని ప్రతిష్ట ,ద్వారా తోరణ పూజ,మహాకుంభారాధన , ఆరాగింపు ,మంగళ శాసనము, తీర్థ ప్రసాద గోష్టి పూజలు వైభవంగా నిర్వహించారు.భక్తులు పాల్గొని స్వామి అమ్మవార్లను దర్శించుకున్నారు.ఈ సందర్భంగా ఆలయ కమిటీ సభ్యులు, శ్రీ సేవా సమితి సభ్యులు మాట్లాడుతూ శ్రీ వెంకటేశ్వర స్వామి ప్రథమ వార్షికోత్సవ బ్రహ్మోత్సవాల సందర్భంగా ఈరోజు నుంచి గురు,శుక్ర, శని, ఆదివారాలు ప్రత్యేక పూజ కార్యక్రమాలు నిర్వహిస్తున్నారని, శుక్రవారం స్వామివారి కల్యాణోత్సవం, అన్నదాన కార్యక్రమం, చెక్కభజన, శనివారం సాయంత్రం రథోత్సవం జరుగుతుందని గ్రామంలోని ప్రజలు,భక్తులందరూ పాల్గొనాలని తెలిపారు.
