తప్పిన ప్రమాదం
పంట పొలాల్లోకి దూసుకెళ్లిన కారు
స్టూడియో 10 టీవీ న్యూస్, మార్చి 25, మహానంది:
ద్విచక్ర వాహనంను తప్పించబోయి పంట పొలాల్లోకి కారు దూసుకెళ్లిన సంఘటన శనివారం మధ్యాహ్నం చోటుచేసుకుంది.మహానంది మండలం ఆర్ఎస్ గాజులపల్లె రైల్వేస్టేషన్ సమీపంలోని బ్రహ్మం గారి గుడి మలుపు వద్ద ఎదురుగా వస్తున్న ద్విచక్ర వాహనాన్ని తప్పించబోయి అదుపుతప్పి కారు పంట పొలాల్లోకి దూసుకెళ్లింది. ఈ ప్రమాదంలో కర్ణాటక రాష్ట్రం చిక్ బల్లాపూర్ గ్రామానికి చెందిన మురళి మరొకరు స్వల్పంగా గాయపడ్డారు. అదే సమయంలో అటుగా వెళుతున్న ఈనాడు విలేఖరి రామకృష్ణుడు ఈ విషయాన్ని అగ్రికల్చర్ కాలేజీ ఉద్యోగి నాగేశ్వర్ రెడ్డికి తెలపగా వారు ట్రాక్టర్ మరియు తాళ్లను సంఘటన జరిగిన ప్రదేశానికి పంపించారు. తెలుగుదేశం మండల బీసీ సంఘం ఉపాధ్యక్షులు పాశం శ్రీనివాసులు అక్కడి స్థానిక యువకుల సహాయంతో కారును బయటకు లాగారు. అక్కడి స్థానికులు గాయపడిన వారిని ప్రధమ చికిత్స అందించి పంపించారు. ఈ సందర్భంగా సహాయం అందించిన వారికి వారు కృతజ్ఞతలు తెలిపారు.
