ఆగి ఉన్న బస్సును ఢీకొన్న ట్రక్కు… 14 మంది మృతి
భోపాల్‌: మధ్యప్రదేశ్‌లో ఘోర రోడ్డు ప్రమాదం జరిగింది. ఈ దుర్ఘటనలో 14 మంది మృత్యువాత పడ్డారు. దాదాపు 50 మంది గాయపడ్డారు. వేగంగా వస్తున్న ఓ ట్రక్కు రోడ్డుపై ఆగి ఉన్న బస్సును ఢీకొట్టడంతో ప్రమాదం సంభవించింది. సమాచారం అందుకున్న పోలీసులు ఘటనాస్థలికి చేరుకుని.. క్షతగాత్రులను ఆస్పత్రికి తరలించారు. మృతుల కుటంబాలకు మధ్యప్రదేశ్ సీఎం శివరాజ్ సింగ్ చౌహాన్ ₹10లక్షల పరిహారాన్ని ప్రకటించారు. ఒడిశాలో జరిగిన మరో ఘటనలో రెండు లారీలు ఒకదానికి ఒకటి ఢీకొట్టగా.. ఏడుగురు అక్కడికక్కడే మృతి చెందారు.
