గుంతను తప్పించబోయి గ్యాస్ సిలిండర్ల ఆటో బోల్తా
స్టూడియో 10 టీవీ న్యూస్, ఫిబ్రవరి 08, మహానంది:
మహానంది మండలంలోని బుక్కాపురం తిమ్మాపురం గ్రామాల రహదారి మధ్యలో గ్యాస్ సిలిండర్ల లోడుతో వెళ్తున్న ఆటో బోల్తా పడిన సంఘటన బుధవారం సాయంత్రం చోటుచేసుకుంది.స్థానికులు తెలిపిన వివరాల ప్రకారం. ఆటోలో భారత్ గ్యాస్ సిలిండర్లు పంపిణీ కొరకు వెళుతున్న సమయంలో బుక్కాపురం- తిమ్మాపురం గ్రామాల దారి మధ్యలో గుంతను తప్పించబోయి గ్యాస్ సిలిండర్ ఆటో బోల్తా పడిందని,ఈ ఘటనలో డైవర్, డెలివరీ బాయ్ సురక్షితంగా బయట పడడంతో ఊపిరి పీల్చుకున్నారు.ప్రమాదాలు జరుగుతున్న గుంతల రోడ్లను పట్టించుకోవడం లేదని వాహనదారులు మండిపడుతున్నారు.ఇప్పటికైనా సంబంధిత అధికారులు స్పందించి గుంతల రోడ్డును బాగు చేయాలని స్థానికులు కోరుతున్నారు.
