మహా శివరాత్రి బ్రహ్మోత్సవాలు విజయవంతం చేద్దాం-ఆర్డీవో శ్రీనివాస్
స్టూడియో 10 టీవీ న్యూస్, ఫిబ్రవరి 07, మహానంది:
మహానంది పుణ్య క్షేత్రంలో పిబ్రవరి 16వ తేదీన జరిగే మహాశివరాత్రి బ్రహ్మోత్సవాల రెండవ కోఆర్డినేషన్ మీటింగ్ క్షేత్రంలోని పోచా బ్రహ్మానంద రెడ్డి విశ్రాంతిభవనం నందు మంగళవారం ఆర్డీవో ఏ .శ్రీనివాస్ ఆధ్వర్యంలో అన్ని ప్రభుత్వ శాఖల అధికారులతో సమీక్ష సమావేశం ఏర్పాటు చేయడం జరిగింది.ఈ సందర్భంగా ఆర్డీవో మాట్లాడుతూ శివరాత్రి బ్రహ్మోత్సవాలను అన్ని ప్రభుత్వ శాఖల అధికారుల సమన్వయంతో భక్తులకు ఎటువంటి అసౌకర్యం కలగకుండా విజయవంతం చేస్తాం అన్నారు. ఆలయ ఈవో కాపు చంద్ర శేఖర్ రెడ్డి మాట్లాడుతూ శివరాత్రి బ్రహ్మోత్సవంలకు వచ్చే వేలాది మంది భక్తుల కోసం ప్రత్యేక దర్శన క్యూలైన్ లు ఏర్పాటు చేసి,క్యూలైన్ల లో త్రాగునీరు మరియు మజ్జిగ వితరణ కార్యక్రమం ఏర్పాటు చేస్తున్నాము అన్నారు.దర్శనం అనంతరం భక్తులకు అన్ని సామాజిక సంఘాల సమన్వయం తో అన్నదాన వితరణ కార్యక్రమం ఏర్పాటు చేస్తున్నాము అన్నారు.క్షేత్రానికి వచ్చే వేలాది మంది భక్తుల కోసం జాగరణ సమయంలో ప్రత్యేక సాంస్కృతిక కార్యక్రమాలు ఏర్పాటు చేస్తున్నామన్నారు.డిఎస్పీ మహేశ్వర్ రెడ్డి మాట్లాడుతూ శివరాత్రి బ్రహ్మోత్సవాలకు క్షేత్రం నకు వచ్చే భక్తుల కు ఎటువంటి అవరోధాలు జరగకుండా ప్రత్యేక పోలీసు యంత్రాంగం,ఎక్కువ సంఖ్యలో సీసీ కెమెరాలు ఏర్పాటు చేసి దొంగతనాలు జరగకుండా,అల్లరి మూకల ఆగడాలు నివారించేందుకు ప్రత్యేక నిఘా ఏర్పాట్లు చేస్తున్నాం అన్నారు.వైద్య అధికారి చంద్ర శేఖర్ మాట్లాడుతూ శివరాత్రి బ్రహ్మోత్సవాల కు వచ్చే భక్తుల కోసం ప్రత్యేక మెడికల్ క్యాంప్ లు ఏర్పాటు చేసి ఉచితంగా మందులు పంపిణీ చేసే ఏర్పాట్లు చేస్తున్నాం అన్నారు.
