ఘనంగా డాక్టర్ చల్లా ప్రభాకర్ రావు జన్మదిన వేడుకలు
, డాక్టర్ బి.ఆర్ అంబేద్కర్ కోనసీమ జిల్లా కొత్తపేట నియోజకవర్గం మండల కేంద్రమైన ఆలమూరు గ్రామంలో వైయస్సార్సీపి రాష్ట్ర సేవాదల్ సంయుక్త కార్యదర్శి, శ్రీకృష్ణదేవరాయ కాపు సంఘ మండల అధ్యక్షులు, జాతీయ అవార్డు గ్రహీత, డాక్టర్ చల్లా ప్రభాకర్ రావు జన్మదిన వేడుకలు సోమవారం ఘనంగా నిర్వహించారు. కొత్తపేట నియోజకవర్గ శాసనసభ్యులు చిర్ల జగ్గిరెడ్డి, మండల వైసిపి నాయకులు పుష్పగుచ్చం అందచేసి, శాలువాతో సత్కరించి ప్రభాకర్ రావుకు జన్మదిన శుభాకాంక్షలు తెలియజేశారు. ఎమ్మెల్యే జగ్గిరెడ్డి ఆధ్వర్యంలో చల్లా ప్రభాకర్ రావు భారీ కేక్ కట్ చేసి 500 మంది వృద్ధులకు అనాధలకు చీరలు, దుప్పట్లు పంపిణీ చేశారు. ఈ కార్యక్రమంలో నియోజకవర్గ వైఎస్ఆర్సిపి నాయకులు కార్యకర్తలు | అభిమానులు ప్రభాకర్ రావుకు శుభాకాంక్షలు తెలుపుతూ మరింత ఉన్నత స్థాయిలో నిలవాలని, తాము చేసే సహాయ సహకారాలు ఎన లేనివని పొగడ్తలతో ముంచెత్తారు. అనంతరం ప్రభాకర్ రావు మాట్లాడుతూ. మీరు నాపై చూపించే ప్రేమాభిమానాలకు నేను మీకు కృతజ్ఞతలు తెలుపుతున్నానని, నా ఈ జన్మదినం వేడుకల్లో పాల్గొన్న ప్రతి ఒక్కరికి కృతజ్ఞతలు తెలుపుతున్నానని, రాబోయే కాలంలో మరిన్ని సేవలు అందించడంలో ముందుంటానని ఈ సందర్భంగా తెలియజేశారు.
O
