ఈస్ట్ జోన్ నూతన డీసీపీగా పుల్లా కరుణాకర్ బాధ్యతలు స్వీకరణ
హనుమకొండ టౌన్ : రాష్ట్ర ప్రభుత్వం జారీచేసిన ఉత్తర్వుల మేరకు ఈస్ట్ జోన్ నూతన డీసీపీగా పుల్లా కరుణాకర్ ఆదివారం బాధ్యతలు స్వీకరించారు. ఈ రోజు ఉదయం ఈస్ట్ జోన్ డీసీపీ కార్యాలయానికి చేరుకున్న నూతన డీసీపీ బదిలీపై వెళ్ళుతున్న కె. వెంకటలక్ష్మీ నుండి బాధ్యతలను స్వీకరించారు. ఈ సందర్భంగా ఈస్ట్ జోన్ పరిధిలోని ఏసీపీలు, ఇన్స్పెక్టర్లు, ఎస్.ఐలు, స్థానిక ప్రజలు నూతన డీసీపీని మర్యాదపూర్వకంగా కలుసుకొని పుష్పాగుచ్చాలు అందజేసి అభినందనలు తెలియజేశారు. హనుమకొండ జిల్లా కమలాపూర్ మండలం, ఉప్పల్ గ్రామానికి చెందిన పుల్లా కరుణాకర్ 2010 సంవత్సరంలో గ్రూప్-1 అధికారిగా పోలీస్ శాఖలో కడప జిల్లా ప్రొద్దుటూరు, షాద్నగర్, జగిత్యాలతో పాటు సీఐడీలో డీఎస్పీగా పని చేశారు. 2017 సంవత్సరంలో అదనపు ఎస్పీగా పదోన్నతిపై హైదరాబాద్ ట్రాఫిక్ విభాగంలో అదనపు డీసీపీ హోదాలో పనిచేశానే. 2021 సంవత్సరంలో ఎస్పీగా పదోన్నతి పొంది ప్రస్తుతం హైదరాబాద్ ట్రాఫిక్ డీసీపీగా పనిచేస్తూన్నారు.
