హైదరాబాద్ : ఎస్ఐ, కానిస్టేబుల్ అభ్యర్థులు తెలంగాణ పోలీస్ రిక్రూట్‌మెంట్ బోర్డు శుభవార్త చెప్పింది. రాష్ట్ర హైకోర్టు ఇచ్చిన ఆదేశాల మేరకు ప్రిలిమ్స్ పరీక్షలో తప్పుగా వచ్చిన ప్రశ్నలకు మార్కులు కలపాలని బోర్డు నిర్ణయించింది. హైకోర్టు ఆదేశాల ప్రకారం దాదాపు ఏడు మార్కులు కలవనున్నాయి. రేపటినుంచి క్వాలిఫై అయిన అభ్యర్థుల వివరాలు అధికారిక వెబ్‌సైట్‌‌లో ఉంచుతామని అధికారులు వెల్లడించారు. క్వాలిఫై అయిన వారికి అతి త్వరలో ఫిజికల్ టెస్టులు నిర్వహించి అందులో క్వాలిఫై అయిన వారికి తుది పరీక్ష నిర్వహిస్తామిని టీఎస్‌ఎల్పీఆర్బీ పేర్కొంది. కాగా, ప్రిలిమ్స్ పరీక్షల ఫలితాలు విడుదలైన నాటినుంచి తప్పుడు ప్రశ్నలకు మార్కులు కలపాలని అభ్యర్థులు ఆందోళన చేస్తోన్న విషయం తెలిసిందే. ఎట్టకేలకు వారి ఆశలు ఫలించి, మార్కులు కలుపుతున్నారు. మరోపక్క ఫిజికల్ ఈవెంట్స్‌లోనూ అవకతవకలు జరిగాయని అభ్యర్థులు ఆందోళనలు తీవ్రతరం చేశారు. మరి దానిపై ఎలాంటి నిర్ణయం తీసుకుంటారో లేదో వేచి చూడాలి.
ఎస్ఐ, కానిస్టేబుల్ అభ్యర్థులకు సూపర్ న్యూస్
