వైభవంగా పార్వేట మహోత్సవం
స్టూడియో 10 టీవీ న్యూస్, జనవరి 16, మహానంది:
మహానంది పుణ్యక్షేత్రంలో సంక్రాంతి కనుమ పండుగ సందర్భంగా పార్వేట మహోత్సవం వైభవంగా నిర్వహించారు. సోమవారం ఆలయ ఈవో కాపు చంద్రశేఖర్ రెడ్డి ఆధ్వర్యంలో వేదపండితులు, అర్చకులు స్వామి అమ్మవార్ల ఉత్సవ మూర్తులను విశేషంగా అలంకరించి, మహానంది దేవస్థానం నుండి అటవీ పర్యావరణ కేంద్రం వరకు గ్రామోత్సవం నిర్వహించారు.పార్వేట ఉత్సవంలో భాగంగా నిర్వహించిన పరుగు పందెం పోటీల్లో సుమంత్ అనే యువకుడు విజయం సాధించాడు.అలాగే ముగ్గుల పోటీల్లో మధు శిరీష అనే మహిళ వరుసగా ఐదోసారి ప్రథమ స్థానంలో నిలిచింది, అనంతరం గెలుపొందిన వారికి ఆలయ ఈవో కాపు చంద్రశేఖర్ రెడ్డి బహు మతులు అందజేశారు.ఈ కార్యక్రమంలో ఏఈఓ ఎర్రమల మధు, ఆలయ ధర్మకర్త గంగిశెట్టి మల్లికార్జున,భక్తులు, ప్రజలు, తదితరులు పాల్గొన్నారు.
