రెండు ఆటోలో ఢీకొన్న ప్రమాదంలో వ్యక్తి మృతి
స్టూడియో 10 టీవీ న్యూస్ జనవరి 17, మహానంది:
మహానంది మండలం గోపవరం గ్రామ సమీపంలోని రెండు ఆటోలు ఢీకొన్న ఘటనలో ఒక వ్యక్తి మృతి చెందిన సంఘటన సోమవారం రాత్రి చోటు చేసుకుంది. మృతి చెందిన వ్యక్తి నంద్యాల మండలం పెద్ద కొట్టాల గ్రామానికి చెందిన బి. మహేశ్వర్ రెడ్డి (42) అనే పాల వ్యాపారిగా గుర్తించారు. ఇతను ఆటోలో ప్రతి రోజు పాలను సేకరించడానికి గ్రామాల్లో తిరుగుతు ఉంటాడు. అదేవిధంగా నిన్న కూడా గాజులపల్లే గ్రామానికి వస్తుండగా, అదే సమయంలో నంద్యాల వైపు వస్తున్న కూరగాయల ఆటో మరియు ఇతని ఆటో వాహనాలు ఎదురెదురుగా రావడంతో ఒకదానితో ఒకటి ఢీకొని ఈ ప్రమాదం జరగడం వలన మహేశ్వర్ రెడ్డి అక్కడిక్కడే మృతి చెందడం జరిగింది.ఇతనికి భార్య ఇద్దరు పిల్లలు సంతానం. సంఘటన స్థలానికి మహానంది పోలీసులు చేరుకొని కేసు నమోదు చేసి విచారణ చేపట్టారు.మృతదేహాన్ని పోస్టుమార్టం నిమిత్తం నంద్యాల ప్రభుత్వ ఆసుపత్రికి తరలించారు.
