పోలీస్ బందోబస్తు మధ్య పార్వేట ఉత్సవం
స్టూడియో 10 టీవీ న్యూస్, జనవరి 15, మహానంది:
పోలీసు బందోబస్తు మధ్య పార్వేట ఉత్సవాన్ని నిర్వహించారు.మహానంది మండలం బొల్లవరం మరియు మసీదుపురం గ్రామాల్లో ఆదివారం సాయంత్రం సంక్రాంతి పండుగ పర్వదినం సందర్భంగా గ్రామాల్లో పార్వేట ఉత్సవం మహానంది ఎస్సై నాగార్జున రెడ్డి ఆధ్వర్యంలో పోలీసు బందోబస్తు మధ్య ఉత్సవాన్ని ప్రశాంతంగా నిర్వహించారు. గ్రామాల్లోని ప్రజలు అందరూ స్నేహభావంతో ఉండాలని కలిసిమెలిసి పండుగలు మరియు ఉత్సవాలను నిర్వహించుకోవాలని సూచించారు. ఉత్సవాల సందర్భంగా ఏదైనా సంఘటన చోటు చేసుకుంటే చట్టపరంగా చర్యలు తీసుకోవాల్సి ఉంటుందన్నారు. ఉన్నత అధికారులు ఆదేశాల మేరకు ముందస్తు చర్యల్లో భాగంగా గ్రామాల్లో బందోబస్తు ఏర్పాటు చేసినట్లు ఎస్సై నాగార్జున రెడ్డి తెలిపారు. మండలంలోని మిగతా గ్రామాల్లో సోమవారం జరిగే పార్వేట ఉత్సవాల్లో కూడా బందోబస్తును ఏర్పాటు చేయనున్నట్లు తెలిపారు. ఉత్సవాల సందర్భంగా అలజడులు సృష్టిస్తే కఠిన చర్యలు తప్పవని హెచ్చరించారు.
