ఆర్డీవోకు వినతి పత్రం అందజేసిన నోబెల్ పార్క్, ఆఫీసర్స్ కాలనీ వాసులు..
నోబెల్ పార్క్ వెంచర్ ఆఫీసర్స్ కాలనీ ఫేస్2 లో డ్రైనేజీలు లేకపోవడంతో మురికి నీరు రోడ్లపై పారుతుందని, దీనివలన ఇంట్లోకి పాములు, దోమలు, పందుల తో ఇబ్బంది పడుతున్నమని కాలనీ వాసులు వాపోతున్నారు. ఈ కాలనీలో పేరుకు హెచ్ఎండిఏ వెంచర్ కానీ అక్కడ పార్క్ ప్లేస్ లేకపోవడం ఆశ్చర్యం కలిగిస్తుందని అంటున్నారు. అధికారులు లంచాలకు అలవాటు పడటంతో ఈ కాలనీకి ఈ పరిస్తితి దాపురించిందని కాలనీ వాసులు ఆందోళన వ్యక్తం చేస్తున్నారు. శనివారం రోజు కాలనీ వాసులు అందరూ కలిసి షాద్ నగర్ ఆర్డీవో రాజేశ్వరి కి వినతి పత్రం అందజేశారు. వెంటనే కాలనీల్లో డ్రైనేజీలు నిర్మించాలని కోరారు.
