శ్రీ వాసవీ కన్యకాపరమేశ్వరీ అమ్మవారిని దర్శించుకున్న ఎమ్మెల్యే అన్నా కుటుంబ సభ్యులు
గిద్దలూరు పట్టణంలోని మెయిన్ బజారులో వెలసిన శ్రీ వాసవీ కన్యకాపరమేశ్వరీ ఆలయంలో నిర్వహిస్తున్న నవరాత్రి ఉత్సవాల్లో గిద్దలూరు శాసన సభ్యులు అన్నా రాంబాబు వారి సతీమణి దుర్గకుమారి, కుమారుడు కృష్ణ చైతన్య, కోడలు సౌజన్య, కుమార్తె, మనవళ్లు, మనమరాలతో పాల్గొని ప్రత్యేక పూజలు నిర్వహించారు. ముందుగా ఆలయ కమిటీ సభ్యులు మేళతాలాలతో, వేద పండితుల మంత్రోచ్చరణలతో స్వాగతం పలికారు. అనంతరం ఎమ్మెల్యే అన్నా కుటుంబ సభ్యులు ఆలయంలో ప్రత్యేక పూజలు, అభిషేకాలు నిర్వహించారు. అనంతరం ఎమ్మెల్యే అన్నా కుటుంబ సభ్యులను ఆలయ కమిటీ సభ్యులు ఘనంగా సన్మానించారు. ఈ కార్యక్రమంలో పలువురు వైసీపీ నాయకులు, కార్యకర్తలు పాల్గొన్నారు.
