మహాగౌరీ దుర్గ దేవి అలంకారంలో శ్రీ కామేశ్వరి దేవి అమ్మవారు
స్టూడియో 10 టీవీ న్యూస్, అక్టోబర్ 03,మహానంది:
మహానంది పుణ్యక్షేత్రంలో శ్రీ కామేశ్వరి దేవి అమ్మవారికి దసరా శరన్నవరాత్రి ఉత్సవాల 8వ రోజు పురస్కరించుకొని సోమవారం శ్రీ కామేశ్వరి దేవి అమ్మవారు నంది వాహనంపై కొలువు దీరారు. శ్రీ కామేశ్వరి దేవి అమ్మవారు మహాగౌరి దుర్గ దేవి అలంకారంలో భక్తులకు దర్శనమిచ్చారు.ముందుగా ఉత్సవ మూర్తులకు శాస్త్రోక్తంగా పూజలు నిర్వహించి భక్తులకు తీర్థ ప్రసాదాలు అందజేశారు. అనంతరం శ్రీ కామేశ్వరి దేవి అమ్మవారికి గ్రామోత్సవం నిర్వహించారు.ఈ గ్రామోత్సవంలో ఆలయ ఈవో కాపు చంద్రశేఖర్ రెడ్డి, ఏఈఓ ఎర్రమల మధు, ఆలయ అధికారులు, అర్చకులు, పండితులు భక్తులు పాల్గొన్నారు.
