ఝాన్సీలింగాపూర్ లో గేదెపై చిరుత పులి దాడి

రామాయంపేట (స్టూడియో 10 టీవీ ప్రతినిధి) జూలై 10:- మెదక్ జిల్లా రామాయంపేట మండలం ఝాన్సీలింగాపూర్ గ్రామ శివారులో చిరుత పులి పశువుల పై దాడి చేసిన సంఘటన జరిగింది. ఝాన్సీలింగాపూర్ గ్రామానికి చెందిన ఇప్ప రాజు అనే రైతు ఉదయం రోజు మాదిరిగా పొలం వద్దకు వెళ్ళాడు.అక్కడ కట్టేసి ఉంచిన గేదెను చిరుత చంపేసింది. దీంతో ఆ గ్రామ ప్రజలు పొలాల వద్దకు వెళ్లాలంటే తీవ్ర భయాందోళనకు గురువుతున్నారు. ఈ విషయంలో ఫారెస్ట్ అధికారులు చొరవ తీసుకొని వెంటనే చిరుత పులిని బంధించాలని గ్రామస్తులు కోరుతున్నారు.