రామోజీరావు మృతి తీరనిలోటు
చేవెళ్ల ప్రెస్ క్లబ్ అధ్యక్షులు బి.గోపాల్
-రామోజీరావుకు నివాలర్పించిన చేవెళ్ల ప్రెస్ క్లబ్
ఈనాడు గ్రూప్ అధినేత రామోజీరావు మృతి పట్ల చేవెళ్ల ప్రెస్ క్లబ్ ఆధ్వర్యంలో ఆదివారం ఆయన చిత్రపటానికి పూలమాలలు వేసి నివాళులర్పించారు. ఈ సందర్భంగా ప్రెస్ క్లబ్ అదుక్షులు బి.గోపాల్ మాట్లాడుతూ.. రామోజీరావు లేని లోటు దేశానికి, పత్రిక రంగానికి తీరనిలోటన్నారు. రామోజీరావు జీవించినంత కాలం నిబద్ధత, విలువలతో జీవించారన్నారు. నమ్మిన సిద్ధాంతాల కోసం రాజీలేని పోరాటం చేసిన యోధుడని కొనియాడారు. రామోజీరావు వేలాదిమందికి ఉపాధి అవకాశాలు కల్పించారని, పత్రిక రంగానికి ఎంతో కృషి చేశారని తెలిపారు. నివాలర్పించిన వారిలో సీనియర్ పాత్రికేయులు శ్రీనివాస్ చారి, రాకేష్, రాజశేఖర్ రెడ్డి, సుభాష్ రెడ్డి, శ్రీనివాస్, ప్రవీణ్, ఎంపీటీసీ గుండాల రాములు, నాయకులు వెంకటేష్, మహేందర్ తదితరులు ఉన్నారు.
