రామాయంపేటలో బిజెపి నాయకులు విజయోత్సవ సంబరాలు

రామాయంపేట (స్టూడియో10 టీవీ ప్రతినిధి) జూన్ 4:- మెదక్ బిజెపి అభ్యర్థి రఘునందన్ రావు 34 వేల పైచిలుకు ఓట్లతో ఘనవిజయం సాధించిన సందర్భంగా మెదక్ జిల్లా రామాయంపేట మండల కేంద్రంలో బిజెపి నాయకులు కార్యకర్తలు పెద్ద ఎత్తున విజయోత్సవ సంబరాలు చేపట్టారు.ఈ సందర్భంగా బిజెపి సీనియర్ నాయకులు వెముల సిద్ధరాములు పట్టణ బిజెపి అధ్యక్షుడు భానుచందర్ మాట్లాడుతూ తెలంగాణ ప్రాంతమే కాకుండా భారతదేశం మొత్తం కూడా గర్వించదగ్గ నాయకుడు నరేంద్ర మోడీ 412 నినాదంతో మూడోసారి ముచ్చటగా ప్రధానమంత్రి పదవి చేపట్టనున్నారని తెలిపారు. ఆయన రక్షణ వ్యవస్థను భారతదేశ విలువలను భారతీయులలో ముందుకు నడిపించిన మన నాయకుడు కావడం గర్వకారణం అన్నారు.ప్రజల్లో బిజెపి పార్టీ నిర్విరామంగా నెల రోజులపాటు ప్రచారం చేయడమే కాకుండా తమ అభ్యర్థి రఘునందన్ రావును గెలిపించిన ప్రజలకు మెదక్ నియోజకవర్గ ఓటర్లకు కృతజ్ఞతలు తెలిపారు.ఈ కార్యక్రమంలో బిజెపి నాయకులు కార్యకర్తలు శివాజీ విగ్రహానికి పూలమాలలు వేసి నినాదాలు చేశారు.అనంతరం మెదక్ రోడ్ లోని అంబేద్కర్ విగ్రహానికి పూలమాలలు వేసి టాపాసులు కాల్చి విజయోత్సవ సంబరాలు జరుపుకున్నారు. ఈ కార్యక్రమంలో బిజెపి నాయకులు కార్యకర్తలు పెద్ద ఎత్తున పాల్గొన్నారు.