నల్లమల ఘాట్లో రోడ్డు ప్రమాదం
ద్విచక్ర వాహనాన్ని, చెట్టును ఢీకొన్న లారీ
ముగ్గురికి గాయాలు
స్టూడియో 10 టీవీ న్యూస్, మే25, మహానంది:
నల్లమల్ల ఘాట్ రోడ్డులో ద్విచక్ర వాహనాన్ని తప్పించబోయి చెట్టును లారీ ఢీకొన్న సంఘటన శుక్రవారం చోటుచేసుకుంది. గిద్దలూరు పోలీసులు తెలిపిన వివరాల ప్రకారం..నంద్యాల గిద్దలూరు జాతీయ రహదారి నల్లమల్ల ఘాట్ రోడ్డులో ఇటుకల బ్రిడ్జి వద్ద కర్ణాటక నుంచి ప్రకాశం జిల్లా కంభం కు వస్తున్న పంచదార లోడ్ గల AP21TB3159 నెంబర్ గల లారీ, అద్దంకి నుంచి అనంతపురం వెళుతున్న ద్విచక్ర వాహనం ను ఢీకొని, చెట్టును ఢీకొంది. ఈ ప్రమాదంలో లారీ ముందు భాగం పూర్తిగా దెబ్బతింది.లారీ డ్రైవర్ కు, ద్విచక్ర వాహనంపై ప్రయాణిస్తున్న ఇద్దరు వ్యక్తులకు ముగ్గురికి గాయాలయ్యాయని తెలిపారు. వెంటనే గాయపడిన లారీ డ్రైవర్ ఎండూరి మద్దిలేటి,ద్విచక్ర వాహనంపై ప్రయాణిస్తున్న తమ్మిశెట్టి అనిల్ కుమార్,ఉప్పు తల రామకృష్ణ లను గిద్దలూరు ఆసుపత్రికి తరలించారని అన్నారు.
