Reporter -Silver Rajesh Medak.
Date-29/04/2024.
సంగారెడ్డిలో.. చిరు వ్యాపారులను కలిసిన మెదక్ కాంగ్రెస్ ఎంపీ అభ్యర్థి నీలం మధు
మెదక్ కాంగ్రెస్ పార్టీ ఎంపీ అభ్యర్థి నీలం మధు సోమవారం సంగారెడ్డి జిల్లా కేంద్ర లోని మార్కెట్లో ప్రచారం నిర్వహించారు. తెలంగాణ ఇండస్ట్రియల్ చైర్మన్, సంగారెడ్డి డిసిసి అధ్యక్షులు నిర్మల జగ్గారెడ్డి తో కలసి ఉదయం మార్కెట్కు చేరుకున్న నీలం మధు చిరు వ్యాపారులను పలకరించారు. ఈ సందర్భంగా ఆయన కూరగాయలు, పండ్లు కొనుగోలు చేశారు. ఈ సందర్భంగా చిరు వ్యాపారులు వారి సాధక బాధలను నీలం మధుతో చెప్పుకున్నారు. కాంగ్రెస్ అమలు చేస్తున్న పథకాలు వినియోగించుకుంటున్నారా? అని నీలం మధు వ్యాపారులను అడిగి తెలుసుకున్నారు. పార్లమెంట్ ఎన్నికల తర్వాత మరిన్ని సంక్షేమం పథకాలు అమలుకు కాంగ్రెస్ పార్టీ చిత్తశుద్ధితో పనిచేస్తుందన్నారు. ఈ ఎన్నికలలో తనను అధిక మెజారిటీతో గెలిపించాలని విజ్ఞప్తి చేశారు. సంగారెడ్డి బ్లాక్ కాంగ్రెస్ పట్టణ అధ్యక్షులు జార్జ్, కిషన్ ఆంజనేయులు, ఉదయభస్కర్, కిరణ్ గౌడ్, లక్ష్మణ్, సంతోష్, సతీష్, యాదగిరి పాల్గొన్నారు.
