స్టూడియో 10 టీవీ న్యూస్, ఏప్రిల్ 17, మహానంది:
ప్రముఖ శైవ క్షేత్రమైన మహానంది పుణ్యక్షేత్రంలో శ్రీరామ నవమి సందర్భంగా సీతారామ కళ్యాణ మహోత్సవం బుధవారం వైభవంగా జరిగింది. ముందుగా ఆలయ ఈవో కాపు చంద్రశేఖర్ రెడ్డి, సుధా కుమారి దంపతుల ఆధ్వర్యంలో కళ్యాణ వస్త్రాలు, తలంబ్రాలు, సౌభాగ్యద్రవ్యాలతో, మంగళవాయిద్యాలతో, వేదమంత్రాలతో ఊరేగింపుగా కళ్యాణ వేదికకు చేరి గణపతి పూజ, పుణ్యాహవాచనం, పీఠార్చన, అనంతరం వరపూజ,మధుమర్క సమర్పణ, కన్యాదానం, మహా సంకల్పం, జిలకర బెల్లం సుముహూర్తం, మాంగల్య ధారణ, ముత్యాలు, హరిద్రాక్షతలతో తలంబ్రాలు, నీరాజనమంత్ర పుష్పాలతో కళ్యాణ క్రతువు పూర్తయింది. ఈ కార్యక్రమంలో ఆలయ వేదపండితులు, అర్చకులు, దేవస్థానం సిబ్బంది, వందలాదిమంది భక్తులు పాల్గొన్నారు . అనంతరం హనుమద్వాహనం పై సీతాలక్ష్మణ హనుమత్సమేత కోదండరామ స్వామి వారి గ్రామోత్సవం వందలాదిమంది, భక్తుల సమక్షంలో అంగరంగ వైభవంగా నిర్వహించారు.
