తిరుపతి జిల్లా చంద్రగిరి నియోజకవర్గం పాకాల మండలం సామిరెడ్డిపల్లి పంచాయతీలో మీ ఇంటి వద్దకు మీ పులివర్తి నాని కార్యక్రమం చంద్రగిరి టిడిపి ఎమ్మెల్యే అభ్యర్థి పులివర్తి నాని స్థానిక నాయకుల సమక్షంలో సోమవారం నిర్వహించారు. ఎటుచూసినా జనసందోహంలో మండుటెండను సైతం లెక్క చేయకుండా, ఇంటింటి సమస్యలు తెలుసుకుంటూ నేనున్నానని భరోసా కల్పిస్తూ ముందుకు సాగారు. మీ ఇంటి వద్దకు మీ పులివర్తి నాని, బాబు ఘారిటి భవిష్యత్తుకు గ్యారెంటీ కార్యక్రమంలో భాగంగా ఆయన పాకాల మండలంలోని సామిరెడ్డిపల్లి, బండ పాకాల, కోనపరెడ్డిపల్లి, తోటపల్లి గ్రామాల్లో పర్యటించారు. ఈ సందర్భంగా టీడీపీ, జనసేన, బిజెపి పార్టీ నాయకులు,యువకులు ఆయనకు గజమాలలతో సత్కరించగా మహిళలు మంగళ హారతులు పట్టి స్వాగతం పలికారు. ప్రస్తుత పాలనలో వ్యవస్థలు నిర్వీర్యమయ్యాయని, పంచాయతీల పరిస్థితి అయితే మరీ దారుణమని చంద్రగిరి కూటమి టీడీపీ ఎమ్మెల్యే అభ్యర్థి పులివర్తి నాని పేర్కొన్నారు. పులివర్తి నాని ఇంటింటా తిరుగుతూ కూటమి అధికారంలోకి వస్తే చేపట్టే సంక్షేమ పథకాలు,అభివృద్ధి గురించి ప్రజలకు తెలియజేశారు.సైకిల్‌ గుర్తుకు ఓటు వేయాలని అభ్యర్థించారు. ఈ పాలనలో అన్ని వ్యవస్థలు నిర్వీర్యమయ్యాయన్నారు. పంచాయతీలలో సర్పంచ్ లు అధికారాలు పూర్తిగా కోల్పోయారని తెలిపారు. టీడీపీ కూటమి అధికారంలోకి రాగానే పంచాయతీలను బలోపేతం చేస్తామని తెలిపారు. ఈ కార్యక్రమంలో టిడిపి, జనసేన, బిజెపి పార్టీ నాయకులు, మహిళా నాయకురాలు, కార్యకర్తలు, తదితరులు పాల్గొన్నారు.
ఇంటింటి సమస్యలు తెలుసుకుంటూ నేనున్నానని భరోసా కల్పిస్తూ టిడిపి చంద్రగిరి ఎమ్మెల్యే అభ్యర్థి పులివర్తి నాని
