మహానందిలో నేడు ఉగాది పంచాంగ శ్రవణం

స్టూడియో 10 టీవీ న్యూస్, ఏప్రిల్ 08, మహానంది:

మహానంది పుణ్యక్షేత్రంలో శ్రీ క్రోధినామ సంవత్సర ఉగాది పండుగ సందర్భంగా ఆలయ కార్యనిర్వహణాధికారి చంద్రశేఖర్ రెడ్డి ఆధ్వర్యంలో ఉదయం 8-00 గంటలకు శ్రీ కామేశ్వరిదేవి మహానందీశ్వరులకు ప్రత్యేక అభిషేకార్చనలు, తిరుమంజనసేవ నింబకుసుమ భక్షణ సమర్పపణ చేసి, భక్తులకు ఉగాది పచ్చడి అందించబడునని ఆలయ వేద పండితులు రవిశంకర అవదాని తెలిపారు. ఈ సందర్భంగా ఆయన మాట్లాడుతూ… మంగళవారం సాయంత్రం5-00గంటలకు, ఆలయం లోపల అభిషేక మండపంలో, నూతన క్రోధి నామ సంవత్సర పంచాంగ పూజ,నవగ్రహ పూజానంతరం పంచాంగ శ్రవణం జరుపబడును అని తెలిపారు. ఈ పూజ కార్యక్రమాలలో భక్తులు విశేషంగా, మహానంది క్షేత్రానికి తరలి వచ్చి, శ్రీ కామేశ్వరి మహానందీశ్వరుల దివ్యానుగ్రహంతో సంవత్సరాన్ని ఆరంభించి, శుభములను సౌఖ్యాలను పొందగలరు అని కోరారు.