చంద్రబాబు త్వరగా విడుదల కావాలని మహానందిలో ప్రత్యేక పూజలు
స్టూడియో 10 టీవీ న్యూస్, అక్టోబర్ 10, మహానంది:
తెలుగుదేశం పార్టీ అధినేత మాజీ ముఖ్యమంత్రి నారా చంద్రబాబు నాయుడు త్వరగా విడుదల కావాలని మంగళవారం టిడిపి నాయకులు మహానంది పుణ్యక్షేత్రంలో ప్రత్యేక పూజలు నిర్వహించారు. శ్రీశైలం నియోజకవర్గం మాజీ ఎమ్మెల్యే బుడ్డా రాజశేఖర్ రెడ్డి ఆదేశాల మేరకు శ్రీశైలం నియోజకవర్గం సమన్వయకర్త బన్నురి రామలింగారెడ్డి ఆధ్వర్యంలో టిడిపి నాయకులు మహానంది పుణ్యక్షేత్రంలో వెలసిన శ్రీ కామేశ్వరి దేవి సహిత మహానందీశ్వర స్వామి వార్లను దర్శించుకుని ప్రత్యేక పూజలు నిర్వహించారు. ఈ సందర్భంగా టిడిపి నాయకులు మాట్లాడుతూ చంద్రబాబు త్వరగా విడుదల కావాలని, క్షేమంగా, ఆయురారోగ్యాలతో ఉండాలని ప్రత్యేక పూజలు నిర్వహించినట్లు తెలిపారు.ఈ కార్యక్రమంలో టిడిపి మండల అధ్యక్షుడు మధు, ఆర్ఎస్ గాజులపల్లె సర్పంచ్ అస్లాం భాష, మాజీ సర్పంచ్ జనార్దన్ రెడ్డి, క్రాంతి కుమార్, శివ, శ్రీను తదితరులు పాల్గొన్నారు.
