అక్రమంగా తరలిస్తున్న రేషన్ బియ్యం పట్టివేత
-ఎస్సై నాగేంద్రప్రసాద్
స్టూడియో 10 టీవీ న్యూస్,సెప్టెంబర్ 10, మహానంది:
మహానంది మండలం బొల్లవరం గ్రామంలో
ఆదివారం అక్రమంగా తరలిస్తున్న రేషన్ బియ్యాన్ని విజిలెన్స్ అధికారులు దాడులు నిర్వహించి పట్టుకున్నట్లు మహానంది ఎస్సై నాగేంద్రప్రసాద్ తెలిపారు. ఈ సందర్భంగా ఎస్సై నాగేంద్రప్రసాద్ మాట్లాడుతూ మండలం లోని బొల్లవరం గ్రామంలో రేషన్ బియ్యం అక్రమంగా తరలిస్తున్నారని సమాచారం రావడంతో విజిలెన్స్ అధికారులు దాడులు నిర్వహించారని ఎస్సై తెలిపారు.ఎలాంటి ప్రభుత్వ అనుమతులు లేకుండా బండి ఆత్మకూరు మండలం, వెంగళరెడ్డి పేటకు చెందిన ముగ్గురు వ్యక్తులు దూదేకుల షాలీసా, ఖాసిం, చిన్న హుస్సేన్ కలిసి అక్రమంగా తరలిస్తున్న 176 బస్తాలు రేషన్ బియ్యం, సుమారు 111. కింటాల 60 కేజీలు బియ్యం, మీని లారీ వాహనంను స్వాధీనం చేసుకున్నట్లు తెలిపారు. ముగ్గురు వ్యక్తులను అదుపులోకి తీసుకొని, కేసు నమోదు చేసి దర్యాప్తు చేపట్టామని తెలిపారు.
