ఘనంగా స్వాతంత్ర్య దినోత్సవ వేడుకలు
స్టూడియో 10 టీవీ న్యూస్, ఆగస్టు 15, మహానంది:
మహానంది మండలంలో ఘనంగా 77వ స్వాతంత్ర్య దినోత్సవ వేడుకలు నిర్వహించారు. మంగళవారం తహసిల్దార్ కార్యాలయం వద్ద తాహసిల్దార్ జార్దన్ శెట్టి, మహానంది పోలీస్ స్టేషన్ వద్ద ఎస్ఐ నాగేంద్రప్రసాద్, ఎంపీడీఓ కార్యాలయం వద్ద శివ నాగజ్యోతి , మహానంది విద్యుత్ సబ్స్టేషన్ వద్ద ఏ ఈ ప్రభాకర్ రెడ్డి, మహానంది దేవస్థానంలో ఆలయ ఈవో కాపు చంద్రశేఖర్ రెడ్డి, తదితరులు జెండాను ఎగురవేసి దేశభక్తిని చాటుకున్నారు. ఈ సందర్భంగా వారు మాట్లాడుతూ భారతీయుల పోరాట పటిమతో బ్రిటీష్‌ వారిని ఎదిరించి భారతదేశానికి స్వాతంత్ర్యం సాధించుకున్నామని తెలిపారు. ఈ పోరాటంలో భాగంగా ఎంత మంది మహనీయులు ప్రాణ త్యాగం చేశారని, వారి త్యాగాలు ఎన్నటికీ మరువలేనివని స్మరించుకున్నారు. అలాగే మండలంలోని గాజులపల్లె గ్రామంలోని డిపి ఈపి స్కూల్, రెండు సచివాలయాలు, ప్రభుత్వ పాఠశాలలు, గాజులపల్లె సినిమా హాల్ సెంటర్ వద్ద ఆంధ్రప్రదేశ్ రైతు సంఘం, వ్యవసాయ కార్మిక సంఘాల ఆధ్వర్యంలో జాతీయ జెండాను ఎగురవేశారు.
