వన్య ప్రాణుల సంరక్షణ ప్రతి ఒక్కరి బాధ్యత
మహానంది:
వన్య ప్రాణుల సంరక్షణ ప్రతి ఒక్కరి బాధ్యత అని కుమార్ అన్నారు.నంద్యాల గిద్దలూరు జాతీయ రహదారి నల్లమల అటవీ ప్రాంతంలో ఫాదర్స్ డే సందర్భంగా వన్యప్రాణులకు ఆకలి, దాహార్తిని తీర్చేందుకు గాజులపల్లె గ్రామానికి చెందిన ఆటో డ్రైవర్ కుమార్ వన్యప్రాణులకు అరటి పండ్లు, ఆహారం ఆదివారం అందజేశారు. అదేవిధంగా వన్య ప్రాణుల కోసం కుండల్లో తాగునీటి సౌకర్యం కల్పించారు.ఈ సందర్భంగా కుమార్ మాట్లాడుతూ వేసవి నేపథ్యంలో వన్యప్రాణులకు తాగటానికి తినటానికి అడవి ప్రాంతం ఏమీ లేకపోవడంతో ఆకలితో ఉన్న వన్య ప్రాణులకు తమ వంతు సహాయం చేసామన్నారు.ప్రతి ఒక్కరూ వేసవి దృష్టిలో ఉంచుకుని వన్యప్రాణుల కోసం ముందుకు రావాలన్నారు. ఈ కార్యక్రమంలో నరసింహ,సాగర్ పాల్గొన్నారు.
