బైక్ ర్యాలీతో హోరెత్తిచ్చిన చంద్రగిరి ఎమ్మెల్యే అభ్యర్థి చెవిరెడ్డి మోహిత్ రెడ్డి పాదయాత్ర…..
భారీ గజమాలతో మోహిత్ రెడ్డికి స్వాగతం పలికిన మండల వైఎస్ఆర్ సీపీ నాయకులు……
తిరుపతి జిల్లా చంద్రగిరి నియోజకవర్గం పాకాల మండలంలో వైయస్ఆర్ సీపీ చంద్రగిరి ఎమ్మెల్యే అభ్యర్థి చెవిరెడ్డి మోహిత్ రెడ్డి పాదయాత్రలో భాగంగా నేండ్రగుంట నుండి బందార్లపల్లి వరకు సుమారు వెయ్యి మంది పైగా బైక్ లతో ర్యాలీ సోమవారం నిర్వహించారు.స్థానిక రామకృష్ణ డీలక్స్ వద్ద భారీ ఎత్తున బాణసంచా పేల్చి భారీ గజమాలతో మండల వైఎస్ఆర్ సీపీ నాయకులు స్వాగతం పలికారు.
పాకాల ఆర్టీసీ బస్టాండ్ సమీపాన ఉన్న అంబేద్కర్ విగ్రహానికి జోహార్లు అర్పించారు,దివంగత నేత మాజీ ముఖ్యమంత్రి డాక్టర్ వైయస్ రాజశేఖర్ రెడ్డి విగ్రహానికి పూలమాలలు వేసి నివాళులర్పించారు.
అనంతరం బందార్లపల్లికి వెళ్లి స్థానికంగా ఉన్న వైఎస్ఆర్ విగ్రహానికి పూలమాలవేసి,వినాయకుని గుడిలో పూజ నిర్వహించి పాదయాత్ర ప్రారంభించారు.ప్రతి గడపకు వెళ్లి వారి సమస్యలను అడిగి తెలుసుకుని పరిష్కరించే దిశగా ముందుకు వెళ్తూ రాబోయే ఎన్నికల్లో నన్ను ఆశీర్వదించాలని కోరారు.
