ద్విచక్ర వాహనం ను ఢీకొన్న ఆటో,ఇద్దరికీ గాయాలు
స్టూడియో 10 టీవీ న్యూస్, ఏప్రిల్ 25, మహానంది:
ద్విచక్ర వాహనంను ఆటో ఢీకొన్న సంఘటనలో ఇద్దరు వ్యక్తులకు తీవ్ర గాయాలైన సంఘటన మంగళవారం రాత్రి చోటుచేసుకుంది.మహానంది మండల పరిధిలోని నందిపల్లె మెట్ట వద్ద ఆటో ద్విచక్ర వాహనాన్ని ఢీకొందని అక్కడి స్థానికులు తెలిపారు. ఈ సంఘటనలో రుద్రవరం మండలం ఎల్లావత్తుల గ్రామానికి చెందిన బావ బామ్మర్దులు రాజు, చెన్నయ్య ఇద్దరికీ కాళ్లు విరిగాయి. ఎల్లావత్తుల గ్రామం నుంచి నంద్యాల వెళ్తున్న సమయంలో ఈ ప్రమాదం చోటుచేసుకుంది.మహానంది పోలీస్ సిబ్బంది నూర్ భాషా,రజాక్ ఘటనా స్థలానికి చేరుకొని విచారణ చేపట్టారు. గాయపడిన క్షతగాత్రులను చికిత్స నిమిత్తం నంద్యాల ప్రభుత్వాసుపత్రికి తరలించారు.
