రోడ్డు ప్రమాదంలో ఒకరు మృతి మరొకరికి గాయాలు.
స్టూడియో 10 టీవీ న్యూస్, ఏప్రిల్ 24, మహానంది:
బొలెరో వాహనం ద్విచక్ర వాహనాన్ని ఢీకొన్న సంఘటనలో ఒక వ్యక్తి మరణించగా మరో వ్యక్తి గాయపడిన సంఘటన సోమవారం ఉదయం జరిగింది.నంద్యాల- మహానంది రహదారిలో బొల్లవరం సుగాలిమెట్ట మధ్య ఈ సంఘటన చోటుచేసుకుంది. మహానంది మండలం బొల్లవరం గ్రామానికి చెందిన జగడం సురేష్, తమ్మడపల్లె గ్రామానికి చెందిన డక్క ముని అనే ఇద్దరు ద్విచక్రం వాహనం పై నంద్యాల వైపు వెళ్తున్న సమయంలో నంద్యాల వైపు నుండి వస్తున్న బొలెరో వాహనం ఢీకొట్టడంతో జగడం సురేష్ అక్కడికక్కడే మృతి చెందాడు. గాయపడ్డ ముని చికిత్స నిమిత్తం నంద్యాల ప్రభుత్వ ఆసుపత్రికి తరలించారు. నంద్యాల తాలూకా పోలీసులు కేసు నమోదు చేసుకుని దర్యాప్తు చేపట్టారు.
