అరటి తోటలు దగ్ధమై ఆరు లక్షల పంట నష్టం
స్టూడియో 10 టీవీ న్యూస్, ఏప్రిల్ 17, మహానంది:
మహానంది మండలం గాజులపల్లె గ్రామ పరిధిలోని ముగ్గురు రైతులు సాగు చేస్తున్న అరటి తోటలు ప్రమాదవశాత్తు సోమవారం మధ్యాహ్నం కాళీ దగ్ధమయ్యాయి.ఈ ఘటనలో సుమారు 6 లక్షల రూపాయలకు పైగా ఆస్తి, వస్తు, పంట నష్టం జరిగినట్లు బాధితులు తెలుపుతున్నారు. బసవాపురం గ్రామానికి చెందిన షేక్ అబ్దుల్ హమీద్, షేక్ మాభు షరీఫ్, నాలుగు ఎకరాలు, గాజులపల్లె గ్రామానికి చెందిన షేక్ మహబూబ్బీ లకు చెందిన రెండు ఎకరాలు గెలలతో ఉన్న అరటిపంట, డ్రిప్పు పైపులు పరికరాలు అగ్ని ప్రమాదంలో కాలిపోయాయి.బాధిత రైతులకు సమాచారం అంది అక్కడికి వెళ్లి చూసుకోగా బూడిదనే మిగిలిందన్నారు. అపార నష్టానికి గురయ్యామని బాధితులు వాపోయారు.ప్రభుత్వం తమను ఆదుకోవాలని కోరుతున్నారు.
