*మాజీ ఉప ప్రధాని బాబు జగ్జీవన్‌ రామ్ సేవలు ఆదర్శనీయం.*
— ఎంపీడీవో కే.జాన్ లింకన్..
*_భారత మాజీ ఉప ప్రధాని బాబు జగ్జీవన్‌ రామ్ సేవలు ఆదర్శనీయమని ఎంపీడీవో కే.జాన్ లింకన్ అన్నారు. బుధవారం మండల కేంద్రమైన ఆలమూరు మండల ప్రజాపరిషత్ కార్యాలయం ఆవరణ నందు ఎంపీడీవో కే.జాన్ లింకన్ ఆధ్వర్యంలో తమ సిబ్బందితో కలిసి బాబు జగ్జీవన్‌ రామ్ 115 వ జయంతి వేడుకలను ఘనంగా నిర్వహించారు. ముందుగా జగ్జీవన్‌ రామ్ చిత్రపటానికి పూలమాలలు వేసి ఘన నివాళులు అర్పించడం జరిగింది.ఈ సందర్భంగా వారు మాట్లాడుతూ ఉత్తమ పార్లమెంటేరియన్ గా,30 ఏళ్లపాటు కేంద్రమంత్రిగా దేశానికి ఉప ప్రధానిగా ఎన్నో పదవులు నిర్వహించి పలు వ్యవస్థలో అనేక సంస్కరణలు తీసుకువచ్చిన గొప్ప వ్యక్తి బాబు జగజ్జీవన్ రామ్ అని,దళితులు వెనుకబడిన వర్గాల అభ్యున్నతికి పాటుపడిన జగజ్జీవన్ రామ్ జీవితం స్ఫూర్తి దాయకమని,ఆయన చూపిన బాటలో నేటి యువత ముందుకు సాగాలని సూచించారు.ఈ కార్యక్రమంలో ఈఓపిఆర్డి రాజ్ కుమార్, ఏవో రామ స్వరూప్, తమ సిబ్బంది పాల్గొన్నారు._*
