శ్రీ కామేశ్వరీ అమ్మవారికి బంగారు గాజులు, వెండి చెంబు సమర్పణ
స్టూడియో 10 టీవీ న్యూస్ మార్చి 28, మహానంది:
మహానంది పుణ్యక్షేత్రంలో వెలసిన శ్రీ కామేశ్వరి దేవి అమ్మవారికి ఆరు తులాల గల నాలుగు బంగారు గాజులు, ఒక వెండి చంబును భక్తితో ఆలయ ఈవో కాపు చంద్రశేఖర్ రెడ్డికి మంగళవారం అందజేశారు. శ్రీ కామేశ్వరి దేవి మహానందీశ్వర స్వామి వారి దర్శనం అనంతరం ప్రకాశం జిల్లా మార్కాపురం వాస్తవ్యులు మొగిలి ప్రసాదరావు, శ్రీలక్ష్మి దంపతులకు సంతానం కలిగితే బంగారు గాజులు చేయిస్తామని శ్రీ కామేశ్వరీ అమ్మవారికి మొక్కుకున్న మొక్కుబడి తీరడంతో 6తులాల బరువుతో 4 బంగారు గాజులు, వెండి చెంబు 1 భక్తితో శ్రీ కామేశ్వరి దేవి అమ్మవారికి సమర్పించారని ఈవో తెలిపారు. వీరికి ఆలయ ఈవో శేష వస్త్రంతో సత్కరించి, వేద పండితులు వేద ఆశీర్వచనాలు చేసి తీర్థప్రసాదాలు అందజేశారు.
