ఈతకెళ్లి బాలుడు మృతి
స్టూడియో 10 టీవీ న్యూస్, మార్చి 23, మహానంది:
ఈతకెళ్లి బాలుడు మృతి చెందిన సంఘటన గోపవరంలో గురువారం మధ్యాహ్నం జరిగింది.మృతుని కుటుంబీకులు తెలిపిన సమాచారం మేరకు మహానంది మండలం గోపవరం గ్రామానికి చెందిన చుట్ల మరియన్న,జయమ్మ దంపతులకు కుమారుడు చుట్ల విజయ్ (13) గోపవరం గ్రామంలోని జడ్పీహెచ్ స్కూల్లో 8వ తరగతి చదువుతున్నాడు.మధ్యాహ్నం తోటి స్నేహితులతో గ్రామం సమీపంలో ఉన్నటువంటి నీటి కుంటలో సరదాగా ఈతకి వెళ్లాడు.లోతుగా ఉండటం వలన ఈతకు వెళ్లిన విద్యార్థులు కొంతమంది బయటికి వెళ్లి పోగా చుట్ల విజయ్ మాత్రం కుంట లోతుల్లోని మట్టిలో బలంగా ఇరుక్కుపోగా తోటి స్నేహితులు గ్రామస్తులకు ఈ విషయాన్ని తెలియజేశారు. గ్రామస్తులు ఆ నీటి కుంటోలోకి వెళ్లి దిగి గాలించి చుట్ల విజయ్ మృత దేహాన్ని బయటకు తీశారు.బాలుడు మృతి చెందిన విషయం తెలుసుకున్న తల్లిదండ్రులు శోక సంద్రంలో మునిగిపోయారు.దీంతో ఆ గ్రామంలో విషాదఛాయలు అలుముకున్నాయి.
