తప్పిన పెను ప్రమాదం
విద్యుత్ తీగలకు తగిలిన లారీ
విరిగి ప్రమాదకంగా వాలిన స్తంభం
స్టూడియో 10 టీవీ న్యూస్, మార్చి 08, మహానంది:
విద్యుత్ తీగలకు లారీ తగిలి విద్యుత్ స్తంభం విరిగిపడ్డ సంఘటన బుధవారం ఉదయం చోటుచేసుకుంది.మహానంది మండలం గాజులపల్లె గ్రామ పరిధిలోని నంద్యాల గిద్దలూరు జాతీయ రహదారి ఆర్యభవన్ హోటల్ సమీపంలో కర్రల లోడుతో వెళ్తున్న సమయంలో ప్రమాదవశాత్తు లారీకి విద్యుత్ తీగలు తగిలి విద్యుత్ స్తంభం విరిగి ప్రమాదకంగా వాలింది.ఈ సంఘటనలో ఎవరికి ఎటువంటి ప్రమాదం చోటు చేసుకోలేదు. ఈ ఘటనతో ఉదయం నుండి సాయంత్రం వరకు విద్యుత్ అంతరాయం ఏర్పడింది. ఈ విద్యుత్ అంతరాయం వల్ల ప్రజలు చాలా ఇబ్బందులు పడ్డారు.విద్యుత్ వైర్లు తెగి కింద పడ్డ సమయంలో ఎవరూ లేకపోవడంతో పెను ప్రమాదం తప్పిందని స్థానికులు చర్చించు కుంటున్నారు. ఈ ఘటనపై స్థానికులు స్పందిస్తూ విద్యుత్ తీగలు కిందికి వేలాడడం వలన నిత్యం రాకపోకలు సాగించే వాహనాల వల్ల ప్రమాదాలు చోటు చేసుకునే అవకాశాలు మెండుగా ఉన్నాయని వారు తెలిపారు.విద్యుత్ శాఖ అధికారులు స్పందించి చర్యలు తీసుకోవాలని గ్రామ ప్రజలు కోరుతున్నారు.
