వైభవంగా శ్రీ కోదండరామ, కాశీ విశ్వేశ్వర స్వామి ఆలయంలో బాలాలయం పూజలు
స్టూడియో 10 టీవీ న్యూస్, మార్చి 01, మహానంది:
మహానంది మండలం సీతారామపురం గ్రామంలోని అతి పురాతనమైన శ్రీ కోదండరామ కాశీ విశ్వేశ్వర స్వామి ఆలయంలో బుధవారం బాలాలయం పూజలు వైభవంగా నిర్వహించారు. మహానంది మండల అధ్యక్షురాలు బుడ్డా రెడ్డి యశస్విని, వైకాపా మండల నాయకుడు బుడ్డారెడ్డి శ్రీనివాస్ రెడ్డి,శ్రీదేవి దంపతులు ఆధ్వర్యంలో ఆలయ అర్చకులు విశేష పూజలు నిర్వహించారు.ఈ సందర్భంగా మండల అధ్యక్షురాలు బుడ్డారెడ్డి యశస్విని మాట్లాడుతూ దేవాదాయ శాఖ, గ్రామస్తుల సహకారంతో 84 లక్షల రూపాయల నిధులతో ఆలయ పునర్నిర్మాణ పనులు చేపడుతున్నట్లు తెలిపారు. అందులో భాగంగా ఈరోజు పూజా కార్యక్రమాలు నిర్వహించడం జరిగిందన్నారు. ఈ కార్యక్రమంలో ఆలయ ఈవో నాగప్రసాద్, ప్రభాకర్ రెడ్డి, శేఖర్ రెడ్డి, రామసుబ్బయ్య, భాస్కర్,వంగాల లక్ష్మిరెడ్డి తదితరులు పాల్గొన్నారు.
