కస్తూరిబా పాఠశాలలో ఘనంగా జాతీయ సైన్స్ దినోత్సవ వేడుకలు
స్టూడియో 10 టీవీ న్యూస్, ఫిబ్రవరి 28, మహానంది:
మహానంది మండలంలోని కస్తూరిబా పాఠశాలలో
జాతీయ సైన్స్ దినోత్సవ వేడుకలను ఇన్చార్జి ఎస్పీఓ విజయలక్ష్మి, సైన్సు ఉపాధ్యాయురాలు వసంతకుమారి ఆధ్వర్యంలో ఘనంగా నిర్వహించారు.డాక్టర్ సూరిబాబు నోబెల్ గ్రహీత సివి రామన్ కు పూలమాల వేసి సత్కరించారు. అనంతరం పాఠశాలలో జాతీయ సైన్స్ దినోత్సవము యొక్క ప్రాముఖ్యతను 8,9తరగతుల బాలికలకు వివరించారు.ఇన్చార్జి ఎస్పీఓ విజయలక్ష్మి మాట్లాడుతూ పిల్లలు బాగా చదువుకొని భవిష్యత్తులో శాస్త్రవేత్తలు ఇంజనీర్లు డాక్టర్లు టీచర్లు కావాలని కోరుకున్నారు.విద్యార్థుల మేధస్సు కోసం ఎంతగానో కృషి చేస్తున్న సైన్స్ ఉపాధ్యాయులను అభినందించారు.విద్యార్థులు ముగ్గులతో ప్రదర్శించిన ప్రయోగాలు పలువురిని ఆకట్టుకున్నాయి. విద్యార్థినిలు నృత్యాలు చేస్తూ సంబరాలు జరుపుకున్నారు.ఈ కార్యక్రమంలో ఉపాధ్యాయులు విద్యార్థులు పాల్గొన్నారు.
