ప్రభుత్వ డిగ్రీ కళాశాల అసిస్టెంట్ ప్రొఫెసర్ కు డాక్టరేట్
స్టూడియో 10టీవీ ప్రతినిధి కృష్ణపల్లిసురేష్ తేదీ 22-౦2-2023,
కొమురంభీం ఆసిఫాబాద్ జిల్లా కాగజ్‌నగర్‌ ప్రభుత్వ డిగ్రీ కళాశాలలో అర్థశాస్త్ర విభాగంలో అసిస్టెంట్ ప్రొఫెసర్ గా విధులు నిర్వహిస్తున్న చిలుసాని రాజుకు కాకతీయ విశ్వవిద్యాలయం ఇటీవల డాక్టరేట్ ప్రధానం చేసినట్లు ప్రభుత్వ డిగ్రీ కళాశాల ప్రిన్సిపాల్ డి.లక్ష్మినరసింహం బుధవారం తెలిపారు.”చేనేత రంగంపై ప్రపంచీకరణ ప్రభావం ” అనే అంశంపై ఉన్నత విద్యామండలి మాజీ చైర్మన్ తుమ్మల పాపిరెడ్డి పర్యవేక్షణలో పి.హెచ్.డి పూర్తి చేసినందున కాకతీయ విశ్వవిద్యాలయం పరీక్షల నియంత్రణాధికారి ఆచార్య మల్లారెడ్డి ఇటీవల డాక్టరేట్ ను ప్రకటించారు.ఈ సందర్భంగా బుధవారం డా.చిలుసాని రాజును కాగజ్‌నగర్‌ ప్రభుత్వ డిగ్రీ కళాశాల అధ్యాపకులు, విద్యార్థులు ఘనంగా సన్మానించారు.
