రాష్ట్రస్థాయి ఎడ్ల బల ప్రదర్శన పోటీలను ప్రారంభించిన ఎమ్మెల్యే శిల్పా
స్టూడియో 10 టీవీ న్యూస్, ఫిబ్రవరి 19, మహానంది:
మహానందిలో మహాశివరాత్రి వేడుకలను పురస్కరించుకొని అఖిల భారత ఒంగోలు జాతిఎడ్ల బల ప్రదర్శన పోటీలను శ్రీశైలం నియోజకవర్గ ఎమ్మెల్యే శిల్పా చక్రపాణి రెడ్డి ఆదివారం ప్రారంభించారు. ఈ సందర్భంగా ఎమ్మెల్యే శిల్పా మాట్లాడుతూ తాను కూడా రైతు కుటుంబం నుంచే వచ్చానని, రైతుల కష్టాలు ఏంటో తనకి తెలుసన్నారు. రైతులను ప్రోత్సహించేలా ఎడ్ల పోటీలు నిర్వహించడం సంతోషకరంగా ఉందన్నారు.
రాష్ట్ర స్థాయిలో జరిగే ఎడ్ల పోటీలను వీక్షించడానికి చుట్టూ పక్క ప్రాంతాలే కాకుండా ఉమ్మడి తెలుగు రాష్ట్రాల నలుమూలల నుండి రైతులు, వీక్షకులు పెద్ద సంఖ్యలో పాల్గొన్నారు.వేలాది మంది రైతులు, వీక్షకుల, నాయకుల ఆనందాల హర్షికేతాల మధ్య పోటీలను ఎమ్మెల్యే శిల్పా చక్రపాణి రెడ్డి ప్రారంభించారు.
