మహానందీశ్వరున్ని దర్శించుకున్న ఈవో లవన్న
శ్రీశైల దేవస్థానం ఈవో ను సత్కరించిన మహానంది ఈవో కాపు చంద్రశేఖర్ రెడ్డి
స్టూడియో 10 టీవీ న్యూస్, ఫిబ్రవరి 06, మహానంది:
మహానంది పుణ్యక్షేత్రంలో వెలసిన శ్రీ కామేశ్వరీ దేవి సహిత మహానందీశ్వర స్వామి వారిని శ్రీశైలం దేవస్థానం ఈవో లవన్న సోమవారం దర్శించుకొని ప్రత్యేక పూజలు నిర్వహించారు.వీరికి ఆలయ ఈవో కాపు చంద్రశేఖర్ రెడ్డి, ఆలయ మర్యాదలతో స్వాగతం పలికారు.స్వామి అమ్మవార్లకు అభిషేకం, కుంకుమార్చ తదితర పూజలు నిర్వహించారు. పూజల అనంతరం వేద పండితులు వేద ఆశీర్వచనాలు చేసి,శేష వస్త్రంతో సత్కరించి, స్వామి వారి తీర్థప్రసాదాలు అందజేశారు. అనంతరం శ్రీశైల దేవస్థానం తరపున మహాశివరాత్రి బ్రహ్మోత్సవాలకు ఆహ్వానిస్తూ మహానంది ఈవో కాపు చంద్రశేఖర్ రెడ్డిని శేష వస్త్రంతో సత్కరించి ఆహ్వాన పత్రికను అందజేశారు.
