భక్తులకు మెరుగైన సౌకర్యాలు కల్పిస్తాం- ప్రత్యేక అధికారి
స్టూడియో 10 టీవీ న్యూస్, ఫిబ్రవరి 03, మహానంది:
మహాశివరాత్రికి వచ్చే భక్తులకు మెరుగైన సౌకర్యాలు కల్పిస్తామని మహాశివరాత్రి ఉత్సవాల ప్రత్యేక అధికారి రానా ప్రతాప్ తెలిపారు.శుక్రవారం మహానంది పుణ్యక్షేత్రంలో జరుగుతున్న శివరాత్రి ఏర్పాట్లను ఈఓ చంద్రశేఖర్ రెడ్డి తో కలసి పరిశీలించారు.ఈ సందర్బంగా ఆయన మాట్లాడుతూ శివరాత్రి ఉత్సవాలకు వచ్చే భక్తులు ఎటువంటి ఇబ్బందులు పడకుండా స్వామి అమ్మవార్లను దర్శించుకునేల చర్యలు తీసుకుంటామని తెలిపారు. ప్రసాదాల కౌంటర్, క్యూ లైన్లు తదితర వాటిని పరిశీలించి తగు సూచనలు చేశారు. ఆయన వెంట మద్దిలేటి స్వామి ఆలయ ఈ ఓ పాండురంగారెడ్డి, కొత్తూరు సుబ్బారాయుడు స్వామి ఆలయ ఈఓ రామకృష్ణ, నంద్యాల డి ఈ ఓ సుధాకర్ రెడ్డి, మహానంది ఎ ఈ ఓ మధు, సూపర్ డెంట్లు వెంకటేశ్వర్లు, శశిధర్ రెడ్డి, టెంపుల్ ఇన్స్పెక్టర్ హరినాద్, వెంకటేశ్వర్లు తదితరులు వున్నారు.
