విగ్రహ ప్రతిష్ట వేడుకలో పాల్గొన్న ఎమ్మెల్యే శిల్పా
స్టూడియో 10 టీవీ న్యూస్ ఫిబ్రవరి 02, మహానంది:
మహానంది మండలం ఆర్ఎస్ గాజులపల్లె గ్రామంలోని శ్రీ గంగా, గౌరీ సమేత మరకత లింగేశ్వర స్వామి,నవగ్రహ విగ్రహాల, ఆలయంలోని ధ్వజస్తంభ ప్రతిష్ట కార్యక్రమంలో శ్రీశైలం నియోజకవర్గం ఎమ్మెల్యే శిల్పా చక్రపాణి రెడ్డి, శ్రీశైలం నియోజకవర్గ సమన్వయకర్త శిల్పా భువనేశ్వర్ రెడ్డి,గురువారం పాల్గొని ఆలయంలో పూజలు నిర్వహించారు. ఆలయ మర్యాదలతో ఆలయ వ్యవస్థాపకులు కనుమర్లపూడి మస్తాన్ రావు స్వాగతం పలికారు. అనంతరం వేద పండితులు వేద ఆశీర్వచనాలు చేసి పూలమాలలు వేసి శాలువాతో సత్కరించి, దేవతమూర్తుల వారి జ్ఞాపికను తీర్థప్రసాదాలు అందజేశారు.అనంతరం మహానంది పుణ్యక్షేత్రంలో ఫిబ్రవరి 14వ తేదీన జరిగే మహాశివరాత్రి బ్రహ్మోత్సవాల ఆహ్వాన గోడపత్రికలు ఆవిష్కరించారు.ఈ కార్యక్రమంలో శ్రీశైలం నియోజకవర్గ సమన్వయకర్త శిల్పా భువనేశ్వర్ రెడ్డి, దేవస్థానం పాలకమండలి చైర్మన్ కొమ్మా మహేశ్వర్ రెడ్డి, ఈవో కాపు చంద్రశేఖర్ రెడ్డి,జెడ్పీటీసీ కేవీఆర్ మహేశ్వర రెడ్డి, ఎస్సై నాగార్జున రెడ్డి,ధర్మకర్తల మండలి సభ్యులు తదితరులు పాల్గొన్నారు.
