గిరిజన ఆశ్రమ పాఠశాల విద్యార్థులు రాష్ట్ర స్థాయికి ఎంపిక
స్టూడియో 10 టీవీ న్యూస్, జనవరి 27, మహానంది:
మహానందిలోని గిరిజన ఆశ్రమ పాఠశాలలో చదివే ఇద్దరు గిరిజన విద్యార్థులు రాష్ట్రస్థాయి హ్యాండ్ బాల్ పోటీలకు ఎంపిక అయినట్లు ఆ పాఠశాల ప్రధానోపాధ్యాయురాలు అంబమ్మ శుక్రవారం పేర్కొన్నారు. ఈ సందర్భంగా ఆమె మాట్లాడుతూ ఈ క్రీడ పోటీలకు ఎం. సుమంత్ మరియు ఈదన్న అనే విద్యార్థులు రాష్ట్ర స్థాయిలో ప్రకాశం జిల్లా దొనకొండ వద్ద జరిగే పోటీల్లో శనివారం నుండి పాల్గొననున్నట్లు తెలిపారు. ఇందుకు స్థానిక ఉపాధ్యాయులతో పాటు డిస్టిక్ ట్రైబల్ వెల్ఫేర్ అధికారి హుస్సేనయ్య సహాయ సహకారాలు అందిస్తున్నారని తెలిపారు. రాష్ట్రస్థాయిలో కూడా విజయం సాధిస్తారని ప్రధానోపాధ్యాయురాలు ఆశాభావం వ్యక్తం చేశారు.
