మహానంది క్షేత్రంలో వైభవంగా వైకుంఠ ఏకాదశి పూజలు
స్టూడియో 10 టీవీ న్యూస్, జనవరి 02, మహానంది:
మహానంది పుణ్యక్షేత్రంలోని కోదండరామ స్వామి వారికి సోమవారం నాడు వైకుంఠ ఏకాదశి ఉత్సవాలు ఆలయ ఈవో కాపు చంద్రశేఖర్ రెడ్డి, ట్రస్టు బోర్డు ఛైర్మన్ కొమ్మా మహేశ్వర రెడ్డి ల ఆధ్వర్యంలో ఘనంగా నిర్వహించడం జరిగింది.నంద్యాల పార్లమెంటు సభ్యులు శ్రీ పోచ బ్రహ్మానందరెడ్డి &రామపుల్లమ్మ ల సహకారంతో వైకుంఠ ఏకాదశి పూజలు వైభవంగా నిర్వహించారు. క్షేత్రంలో సోమవారం నాడు తెల్లవారుజామున 04-30 గంటలకు శ్రీ కోదండరామ స్వామి వారు వామన అలంకారంలో ఉత్తరద్వారంలో వేంచేసి, తిరుప్పావై సేవ,అర్చన,సేవాకాలం, తీర్థప్రసాద వితరణ కార్యక్రమాలు ఆలయ పండితులు అర్చకులు ఘనంగా నిర్వహించారు.అనంతరం ఉదయం 09-00గంటల నుంచి వివిధ రకాల సుగంధ పుష్పాలతో లక్ష పుష్పార్చన,అలంకార హారతి, నీరాజన మంత్రపుష్పం పూజా కార్యక్రమాలు నిర్వహించడం జరిగింది. ఈ వైకుంఠ ఏకాదశి పర్వదినం సందర్భంగా వేల సంఖ్యలో భక్తులు మహానంది క్షేత్రానికి విశేషంగా తరలి వచ్చి వైకుంఠ ఏకాదశి ఉత్సవాల్లో పాల్గొనీ ఉత్తర ద్వార దర్శనం చేసుకుని స్వామి వారి తీర్థ ప్రసాదం సేవించడం జరిగింది.
