జూమ్ మీటింగ్ ఏంటి.. పార్టీ నడిపే పద్దతి ఇది కాదు: MLA జగ్గారెడ్డి ఫైర్
ఇవాళ సాయంత్రం జరగనున్న టీ- కాంగ్రెస్ నేతల జూమ్ మీటింగ్‌పై ఆ పార్టీ సీనియర్ నేత, సంగారెడ్డి ఎమ్మెల్యే జగ్గారెడ్డి ఫైర్ అయ్యారు. నేతలందరితో సమావేశం నిర్వహించకుండా.. జూమ్ నిర్వహించడం ఏంటని మండిపడ్డారు. తెలంగాణలో కాంగ్రెస్ అగ్రనేత, ఎంపీ రాహుల్ గాంధీ భారత్ జోడోయాత్ర, రాష్ట్రంలోని ప్రస్తుత రాజకీయాలపై సమీక్ష చేసే సమయం లేదా అని జగ్గారెడ్డి అధిష్టానంపై ఆగ్రహం వ్యక్తం చేశాడు. పార్టీ నడిపే పద్దతి ఇది కాదంటూ తీవ్ర అసంతృప్తి వ్యక్తం చేశారు. సమావేశానికి ఆహ్వానించకుండా జూమ్ మీటింగ్ కోసం ఫోన్ చేసిన నేతపై గరం అయ్యారు. రాష్ట్రంలో అధికార టీఆర్ఎస్, బీజేపీ దూకుడు మీద ఉంటే.. కాంగ్రెస్ మాత్రం జూమ్ మీటింగ్ నిర్వహించడం ఏంటని మండిపడ్డారు.
