భక్తులతో కళకళలాడిన మహానంది పుణ్యక్షేత్రం
స్టూడియో 10 టీవీ న్యూస్ నవంబర్ 13, మహానంది:
మహానంది పుణ్యక్షేత్రంలో కార్తీక మాసం ఆదివారం భక్తులతో కళకళలాడింది. భక్తులు వేల సంఖ్యలో తెల్లవారుజామునే మహానంది చేరుకున్నారు. కోనేరులో పుణ్య స్థానాలు ఆచరించి శ్రీ కామేశ్వరి దేవి సహిత మహానందీశ్వర స్వామి వారిని మరియు ఆంజనేయ స్వామి, రామాలయం, వినాయక నంది ఆలయాలను దర్శించుకున్నారు. దర్శనానంతరం కుంకుమార్చన,అభిషేకం పూజలు నిర్వహించుకుని కార్తీక దీపాలు వెలిగించారు.భక్తులకు ఎటువంటి అసౌకర్యాలు కలగకుండా ఆలయ ఈవో కాపు చంద్రశేఖర్ రెడ్డి ప్రత్యేక చర్యలు చేపట్టారు.దాత శ్రీశైలం గౌడ్ ఆధ్వర్యంలో అన్నదాన కార్యక్రమం నిర్వహించారు.
