తెలుగుదేశం పార్టీ సీనియర్ నాయకుడు పెందుర్తి నాగరత్నం కుటుంబాన్ని పరామర్శించిన – సిపిఐ(ఎంఎల్) రాష్ట్ర కమిటీ సభ్యులు పలివెల వీరబాబు
తూర్పుగోదావరి జిల్లా రాజానగరం నియోజకవర్గం సీతానగరం మండలం – సీతానగరం: – ఇటీవల కాలంలో పెందుర్తి నాగరత్నం అనారోగ్యం కారణంగా మరణించడంతో సిపిఐ (ఎంఎల్) రాష్ట్ర కమిటీ సభ్యులు మరియు తూర్పుగోదావరి జిల్లా కార్యదర్శి పలివెల వీరబాబు పరామర్శించారు. సీతానగరం పంచాయతీ మాజీ సర్పంచిగా,తెలుగుదేశం పార్టీ నందు ఎన్నో పదవులను సమర్ధవంతంగా నిర్వహించిన వ్యక్తి పెందుర్తి నాగరత్నం లేకపోవడం తెలుగుదేశం పార్టీ శ్రేణులకు కార్యకర్తలకు తీరని లోటని పలివెల అన్నారు. పెందుర్తి అచ్యుత రామారావు నివాసం నందు ఏర్పాటు చేసిన సంతాప సభలో నాగరత్నం చిత్రపటానికి పూలమాలలు వేసి నివాళులు అర్పించడం జరిగిందని తెలిపారు. దుఃఖ సాగరంలో మునిగి ఉన్న పెందుర్తి కుటుంబ సభ్యులకు పలివెల ధైర్యం చెప్పి ప్రగాఢ సానుభూతిని వ్యక్తపరిచారు. ఈ కార్యక్రమంలో పలువురు సిపిఐ(ఎంఎల్) పార్టీ నాయకులు కార్యకర్తలు,తెలుగుదేశం పార్టీ మండల నాయకులు పాల్గొన్నారు.
