అంగన్వాడి కార్యకర్తలు, ఆయా పోస్టుల భర్తీకి చర్యలు
స్టూడియో 10 టీవీ న్యూస్, నవంబర్ 11, మహానంది:
మహానంది మండలంలో నాలుగు జిల్లాల పీడీలు, సిడిపిఓలతో శుక్రవారం సమీక్ష సమావేశం నిర్వహించారు. పలు జిల్లాలోని ఖాళీగా ఉన్న అంగన్వాడీ కార్యకర్తలు, ఆయా పోస్టుల గురించి తెలుసుకొని వాటి భర్తీకి చర్యలు తీసుకుంటామని మహిళా శిశు సంక్షేమ శాఖ ఆర్జెడి పద్మజా పేర్కొన్నారు. అలాగే పలు డిపార్ట్మెంట్లు యొక్క వివిధ యాప్స్ గురించి చర్చించారు. అన్నమయ్య, కడప, నంద్యాల, కర్నూలు జిల్లాల ఐసిడిఎస్ ప్రాజెక్ట్స్ యొక్క పనితీరు మెరుగుపరచాలని పలు సూచనలు చేస్తూ ప్రగతి పదంలో తీసుకురావాలని దిశా నిర్దేశం చేశారు. ఈ సమావేశంలో నాలుగు జిల్లాల సిడిపిఓలు, పీడీలు హాజరయ్యారు.
