కార్తీక మాసంలో మహానందికి వచ్చే భక్తులకు నిత్యాన్నదానం
స్టూడియో 10 టీవీ న్యూస్, నవంబర్ 06, మహానంది:
మహానంది పుణ్యక్షేత్రంలో కార్తీకమాసం సందర్భంగా వచ్చే భక్తులకు, దాతలు అన్నదాన కార్యక్రమాలు నిర్వహించడం ఎంతో అభినందనీయమనీ మహానంది దేవస్థాన ఈవో కాపు చంద్రశేఖర్ రెడ్డి పేర్కొన్నారు.ఆదివారం మహానంది పుణ్యక్షేత్రంలో హైదరాబాద్ కు చెందిన దాతలు రామారం శ్రీశైలం గౌడ్,కూన వెంకటేష్ గౌడ్ ల ఆధ్వర్యంలో ఏర్పాటు చేసిన నిత్యాన్నదాన కార్యక్రమాన్ని ఆయన ప్రారంభించారు.ఈ సందర్భంగా ఆయన మాట్లాడుతూ దాత శ్రీశైలం గౌడ్ స్వయంగా నెల రోజులపాటు ఇక్కడే ఉండి అన్నదాన కార్యక్రమం నిర్వహించడం ఎంతో అభినందనీయమన్నారు. మహానంది దేవస్థానంకు 20 లక్షల రూపాయల వ్యయంతో గోశాల నిర్మించి ఇవ్వడం జరిగిందన్నారు. గత 8 సంవత్సరాలపాటు అన్నదాన కార్యక్రమాలు కొన సాగించడం గొప్ప పుణ్యకార్యం అనీ వారి సేవల ను కొనియాడారు.ఈ కార్యక్రమంలో అన్నదాన దాత శ్రీశైలం గౌడ్,ఆలయ ఏఈవో మధు,దేవస్థానం అధికారులు మరియు సిబ్బంది తదితరులు పాల్గొన్నారు.
