రోడ్డు ప్రమాదాల నివారణకు చర్యలు చేపట్టిన ఎస్సై నాగార్జున రెడ్డి
స్టూడియో 10 టీవీ న్యూస్ అక్టోబర్ 25,మహానంది:
రోడ్డు ప్రమాదాలు జరగకుండా ఎస్సై నాగార్జున రెడ్డి చర్యలు చేపట్టారు. మహానంది మండల పరిధిలోని గాజులపల్లి-నంద్యాల జాతీయ రహదారి పై మంగళవారం ప్రత్యేక చర్యలు చేపట్టారు.గాజులపల్లి మెట్ట, సీతారామపురం, బోయిలకుంట్ల, ప్రమాదాలు జరిగే కూడలి వద్ద భారీ గేట్లు ఏర్పాటు చేసి వాటికి రాత్రిపూట వాహనదారులకు ప్రమాదాలు జరగకుండా కనపడే విధంగా రేడియం స్టిక్కర్లు అతికించి పలు జాగ్రత్తలు తీసుకున్నారు. ఈ సందర్భంగా ఎస్ఐ నాగార్జున రెడ్డి మాట్లాడుతూ రహదారి ప్రమాదాల నియంత్రణకు ప్రత్యేక శ్రద్ధతో చర్యలు చేపట్టామన్నారు.రోడ్డు ప్రమాదాల నివారణకు వాహనచోదకులు సహకరించాలని కోరారు.ద్విచక్రవాహనాలు, ఆటోలు, లారీలను నడుపుతున్న డ్రైవర్లు తప్పనిసరిగా నియమ నిబంధనలు పాటించాలని తెలిపారు.నిబంధనలను అనుసరించి వాహనాలను నడిపితే అధిక ప్రయోజనం చేకూరుతాయని,లేనిపక్షంలో చర్యలు తప్పవని హెచ్చరించారు. ఈ కార్యక్రమంలో మహానంది పోలీస్ సిబ్బంది పాల్గొన్నారు.
