గుంతలు పూడ్చండి మహా ప్రభో
స్టూడియో 10 టీవీ న్యూస్, అక్టోబర్ 23, మహానంది:
మహానంది మండల పరిధిలోని తమ్మడపల్లె మెట్ట నుండి నంది పల్లె వరకు ఉన్న గుంతల రహదారిని మరమ్మతు చేసి పుణ్యం కట్టుకోవాలని ఎమ్మెల్యే శిల్పా చక్రపాణి రెడ్డిని మహానంది మండలం టిడిపి నాయకులు నంది పల్లె గ్రామస్తులు వేడు కుంటున్నారు.రహదారిపై ఉన్న గుంతల వద్ద నమస్కారాలు పెట్టి ఆవేదన వ్యక్తం చేశారు.ఈ సందర్భంగా వారు మాట్లాడుతూ తమ్మడపల్లె మెట్ట నుంచి నంది పల్లె వరకు రహదారి గుంతల మయం కావడంతో వాహనాల రాకపోకలకు తీవ్రంగా ఇబ్బంది ఉందని ఆవేదన వ్యక్తం చేశారు. నవనందులలో ప్రముఖ క్షేత్రం సూర్యనంది ఈ రహదారిలో ఉండడం వల్ల భక్తులు చాలా ఇబ్బందులు ఎదుర్కొంటున్నారని కార్తీక మాసం ప్రారంభమవుతున్న సమయంలో రోడ్డు గుంతల మయంగా ఉండడం ప్రమాదకరమని పేర్కొన్నారు. గత సంవత్సర కాలంగా రహదారిలో అడుగున అడుగున గుంతలు ఉండడంతో వాహనదారులు రైతులు ప్రమాదాలకు గురి అవుతున్నారని రాకపోకల సమస్యలను ఎదుర్కొంటున్నారని ఆవేదన వ్యక్తం చేశారు. వరి పంట చేతికి వచ్చే సమయానికి రహదారిలో గుంతలు పూడ్చి వేయకుంటే రైతుల పరిస్థితి దయానియంగా ఉంటుందని తెలిపారు. కార్తీకమాసంలో ఇతర ప్రాంతాల నుండి భక్తులు పెద్ద సంఖ్యలో సూర్య నందికి రావడం కష్టంగా ఉంటుందనీ వాహనాలు గుంతలలో తిరిగే పరిస్థితి ఉండదని రోడ్డు ప్రహదారిపై ఉన్న గుంతలను పూడ్చి ఎమ్మెల్యే అధికారులు పుణ్యం కట్టుకోవాలని వేడుకుంటున్నారు.ఈ కార్యక్రమంలో మహానంది మండలం టిడిపి నాయకులు కాకర్ల శివ మహేశ్వర్ రెడ్డి నంది పల్లె గ్రామస్తులు పాల్గొన్నారు.
